Masyado pa akong bata, pero tingin ko sa sarili ko marami na akong alam at hindi na ako bata tulad ng tingin nila.
Marami akong kaibigan, pero mas pinili ko ng sumama sa mga mabubuti at maka-Diyos.
Hindi na ako ginagabi sa kalsada at nakatambay.
GInagabi na ako dahil sa pagsamba.
May mga iilan akong kabigan sa simbahan, mga kaedaran ko din.
Doon din ako nag-aaral. Isang Christian academy.
Sa lugar na yun, tumibok ang puso ko sa unang pagkakataon.
Isang hapon ko siya nakilala.
Parang naging slowmo ang tagpo.
At sa mga oras na yun, ginusto ko na siya.
Gumawa ako ng paraan para mapansin niya ako.
Sa bubong ng iskul at simbahan, doon siya nalalagi.
Nung nalaman ko yun, pumupunta na din ako dun parati.
Hindi niya ako pinapansin pero alam ko napapansin niya ako.
Pinakilala siya sakin ng pormal. Sa wakas, alam na din niya ang pangalan ko.
Nagsimula na kami magsulatan at nagkkwentuhan na din ‘pag nasa bubong.
Hinahatid na din niya ako sa bahay at dinadalaw parati sa iskul pagkatapos ng klase niya.
Sobrang saya ko ‘pag kasama ko siya.
Hindi ko mapaliwanag. Nagkaroon ng ibang kulay yung mundo kong itim noon.
Patago lang kami mag-usap at magbigayan ng sulat.
Bawal kasi. Magagalit yung mga matatanda sa simbahan.
Pero, wala namang bagay na maitatago talaga.
Nalaman na nila kung ano kami.
Pero, ang totoo, wala namang kami.
Ang alam ko lang, masaya ako kapag kasama ko siya at inaalagaan niya ako.
Wala kaming nagawa, kailangan namin lumayo sa isa’t isa.
Masakit, mahirap.
Sa unang pagkakataon ng pagtibok ng puso ko, bawal pa.
Paglipas ng tatlong taon, naging kami ulit.
Mahal pa namin ang isa’t isa. At mas minahal pa.
Pero nagkahiwalay kami ulit sa pangalawang pagkakataon.
Minahal ko pa rin siya kahit magkalayo na kami.
Pinapangarap ko pa din siyang makasama.
Umaasa pa din na sana, sa huli, kami pa din.
Pero, ang katotohanan talaga sa buhay, lahat nagbabago.
Pati emosyon ng tao.
Ngayon, mabuti kaming magkaibgan.
Hanggang doon na lang.
Pero, masaya ako kasi kahit sampung taon ng nakararaan, andyan pa din siya, andito pa din ako para sakanya.
